Regnsong

Sildring i høge heimar og dropar mot vårleg jord, i lette skjelvande sveimar det lullar så mjuke ord.

Det syng ifrå andre strender det kjæler jord og kvart tre, dei svale regnmilde hender ber livet på jorda ned.

Songen sullar og svallar med dropen driplar og dryp, og jorda kviskrar og kallar når bekken brusar og bryt.

Væt meg, verm meg og vekk meg bed jorda og opnar sitt fang, fløym med din flaum og søkk meg i sæle regndropeklang.