Gud og Fader

Gud og Fader lat meg kvile så i morgon eg kan smile, hald mi hand om natta, du. Når eg går i draumedaler, vis meg veg til himmelsalar over høge stjernebru.

Gud og Fader lat min tanke i dei vene rom få vanke, kvil min fot om natta, du. Smil til alle mine kjære, så dei alltid deg kan ære med den ljose himmeltru.

Gud og Fader lat meg sova under englevakt i stova, ver mi sol om natta, du. Når så siste dagen dalar, lyft meg opp i dine salar lei meg over stjernebru.